Hindi Ako Iiyak by Flippers

Kape’ng aking tinitimpla,
Lagi nalang lumalamig
Hindi ko malaman,
Kung kulang sa tamis
Tasang walang kibo,
Sa ‘kin nakatitig
Ako’t siya’y naghihintay,
Masagi nang iyong bibig.

II

Buhok na mahaba,
Iniingat-ingatan ko
Nuong isang linggo,
Pinaputulan ko ito
Marahil ay pagod lamang,
Ang iyong isipan
At di mo napansin,
At hindi tinutulan.

( Chorus )

Huwag kang mag-alala,
Di ako iiyak
Hindi magdaramdam,
Kahit na ga patak
Ako’y pinulot mo,
Singdumi ng burak
Binigyang pangalan,
Itong aking anak.

III

Pintong dati-rati bukas,
Sa iyong pag dating
Ngayo’y nakasara,
At panangga sa hangin
Kapag ikaw ay dumalaw,
Ito ay katukin,
Kahit mahina lang,
Ito’y aking sasagutin.

IV

Kay linis ng silid,
Walang nagkakalat
Medyas at sigarilyo’y,
Walang nag-hahanap
Sanggol na nasanay,
Akala ay ama
Gayong natutulog ito,
Kahit nag-iisa.

( Second Chorus )

Huwag kang mag-alala,
Di ako iiyak
Hindi magdaramdam,
Kahit na gapatak
Pag-ibig natin lang,
Sa iyo’y inalay
Sa tulad kong putik,
Tama na at sapat

Nakakaiyak 'tong kantang 'to. Natatouch siguro ako dahil ideal man ko yung katulad nya. Heheheheh! =)