Mga Susunod Kong Posts (Wish Ko Lang)

Kung sakaling nabasa mo na ang introduction ng InodoroThoughts, alam mo na ngayon kung anu-ano ang mga pinopost ko dito. Kaso, may mga araw na hindi ako nakakapagpost. Pero hindi ibig sabihin nun na...alam mo na. Hehehe!

Actually, I have too many post ideas, too little time. Kaya, ipost ko na muna dito ang listahan ng mga blog post na gusto kong ipublish soon. Sana lang. (cross fingers)

• May Puso Din Ata Ang Mga Ipis - Matagal ko ng napapansin ang "burol" ng mga ipis. Siguro, may puso din sila.
• Vegetarian Recipes - Hindi naman po imposibleng makaisip ako ng recipe habang...alam mo na. In fact, kumakain pa ako sa loob ng CR. Hahahahah! :)
• Kung May Apat na Taon Ako Para Magbasa - Listahan ng mga librong gusto kong mabasa sakaling mayroon akong apat na taon para lang magbasa, magbasa, at magbasa.
• Introducing: My Own Travel Blog! - Yeyeye! Excited na ako dito. May nagawa na akong blog account para dito pero wala pa akong kahit isang post. Medyo madugo din kasi ang binabalak kong first travel blog. Kapag may oras, gagawin ko na yun. I'm so excited.
• Gamit Mo, Kinabukasan Nila - Ahm, eto yung charity work na gagawin namin ngayong summer. Hopefully matuloy 'to. Medyo nererelive ko pa ang excitement ko na gawin to. :)
• Redemption Song ni Bob Marley - Gusto ko lang ang lyrics ng kantang 'to. Magandang magpost din ng review ng kanta. Pero baka lyrics lang ang ipost ko para madali. Copy-paste lang. :)
• Pa'ano Ako Magiging Vegetarian? - Matagal-tagal din na makakasama ko si Erik na isang vegetarian at palalakihin daw naming vegetarian ang anak namin. Syempre, alangan meat-eater ako sa mundo ng mga vegetarian. Ayoko kayang maging villain. Ififeature ko dito ang struggles ko para maging vegetarian. :D
• Puting Hair Highlights - Super duper tagal ko ng pangarap na magpahighlights ng puti. Kaso, wala pa akong pera nung naisip ko yun. Estudyante pa lang ako nun na kakarampot lang ang budget. At ngayon na kumikita na ako, malamang na matupad na rin ang matagal kong pangarap. Pero baka...
• Contact Lens? - Nakakasawa na ang eyeglasses ko at nahihilo na ako sa itim na frame nito. Baka okey ang contact lens. Baka mas malinaw ang makikita ko. Ewan. Tingnan natin.
• Kasalanan Ba Nilang Maging Bading? - Hay... Isa siguro sa pinaka hindi ko ma-accept na revelation sa akin ang tungkol sa kasagutan sa tanong na ito.
• Ayokong Mabuntis Ulit...For Now - Inspiration lang para hindi talaga ako magbuntis at least two years pakatapos kong manganak kay Baby Krishna.
• Unsent Mails - Maraming tao na gusto kong sulatan sa iba't ibang kadahilanan. Gusto kong isa-isahin sila at ang mga gusto kong sabihin. Baka one day, maging ready na akong gawin talaga yun. :)
• Losing My Religion - About sa status ng spiritual life ko, kung meron man. Heheheheh! :) Basta, surprise. :D

Yan. Madami-dami din pala akong dapat isulat. Malamang masusulat ko na 'to this year. Kundi, siguradong madadagdagan na naman ang mga 'to.

Abangan mo na lang ang mga post ko. :D